දුවගේ මුහුණේ තිබුන කැලල දැකල පුංචි හොඳටම කලබල වෙලා දුම්මලවරම ගත්තු කපුවා වගේ ආවේස උනා........
කියාපන් කවුද මේක කලේ කියල .........කෙල්ල සද්දයක් නැහැ ..........පුංචි ගැහුවා ගහල ඇහුවා .........ඒත් උත්තරයක් නැහැ ......
මේ කලබලේ මැද්දට පැනපු ආච්චිත් අහන්වා කවුද තොට මේ වැඩේ කලේ කියල .....
මේකි ගලේ පහරපු බළලා වගේ ඉන්නවා ...
කට අරින්නෙම නැහැ .......
අන්තිමට එදා ගෙදර ඇවිත් හිටපු ඥාති වෙන පිරිමි කෙනෙක් කියල තියෙනවා දුවේ ඇත්ත කියන්න මං මෙහෙ හිටපු නිසා මටත් හොඳ නැහැ කියල ......
එතකොට තමයි අරකිගේ කට ඇරුනෙ........
අශෝක තමයි මේක කලේ කිව්වා .........
ආ.........කියන්න බැරි උනානෙ ගෙදර ඇවිලිච්ච ගිනි විජ්ජුම්බරේට හේතුව මොකක්ද කියල ..
අර අසෝකයා රෑ ගෙදර ඇවිත් කුස්සියේ උයමින් උන්න කෙල්ලගේ මූණ හපාකාලා....
😂😂😂.......
ඒකිගෙ කම්මුලේ තිබුන ලොකු දත් පාරවල් දැකල තමයි ගෙදර උන්දැලා කලබල වෙලා තීන්නෙ.......
කොහොමින් හරි කෙල්ලගේ හොර ලව් එක ඔහොමයි ගෙදරට මාට්ටු වුනේ......
හැබැයි මේ හුටපටේ නෑදෑ සනුහරේට වසං කරන්න පුංචිට ඕන වුන නිසා සිද්ධිය ගැන කෙල බිංදුවක්වත් හැලුවේ නැහැ ........
අසෝකයා දැන් රෑට නවතින්න එන්නේ නැහැ කියල මට දැනගන්න ලැබුණු නිසා ආච්චි ගෙන් ඇහුවම ආච්චිත් වටේ යනවා ........
මං ඕවා දන්නෑව්බොලං ...කියල .....
හරිහමන් හිත සැනසෙන උත්තරයක් නැති නිසා මාත් හරිම විස්සෝපයෙන් උන්නෙ........
ඒත් මට තේරිලා තිබුනා මොකක් හරි නෝක්කාඩුවක් තියෙනවා කියල .....
දවසක් මං පුංචි එක්ක ගමනක් ගිහින් එනකොට මගදී අසෝකයා හමුවුණා .....
මං නැවතිලා කතා කරද්දී පුංචි ඉස්සරහට ගිහින් මං එනකල් නැවතිලා හිටියා ......
පුංචියි අසෝකයයි නයාට අඳුකොල වගේ මූණ බලන්නෙ නැහැ ......මට ඉතින් ලොකු ප්‍රහේලිකාවක් ........
අයියේ ඔයා ගමේ යන්නේ නැද්ද කියල මං ඇහුවා ....නැහැ කිව්වා.....
ඔයාලා තරහයිද කියල ඇහුවා .......අර ඉන්නේ .....අහගන්න කිව්වා පුංචිව පෙන්නුවා........
යන ගමන් පුංචිගෙන් ඇහුවා මොකක්ද පුරස්නෙ කියල .......අසෝකයා මොකද කිව්වේ කියල පුංචි අහනවා......
ඌ මුකුත් කිව්වේ නැහැ පුංචි ගෙන් අහගන්න කියල කිව්වා කියල මං කිව්වා .....
මට ඉතින් ඉන්න බැහැ කුතුහලය නප්පියටම නැගලා .......පුපේ ඉත්තෑවො දුවනවා වගේ ...
මට මාර අවුල් ඇයි යකො ඕපයක් අහල හිතට සැනසීමක් ගන්න හදද්දී ඒකට අවස්ථාවක් දෙන්නේ නැහැ .......
එදායින් පස්සේ අශෝකයට ආච්චිගේ ගෙදර තහනම් කලාපයක් උනා........කෙල්ලට අධි ආරක්ෂිත කලාපයක් උනා.........
කෙල්ල ඉස්කෝලෙ යනවා ගෙදර එනවා සාමාන්‍ය විදිහට ටික දොහක් ගෙවිලා ගියා.........
දවසක්දා රෑ 9 ට විතර ආච්චිගේ ගෙදර අය කෑම ගන්න වෙලාවෙ......මෙන්න හොරේ.................ක් කියල කෑගහන සද්දයක් ඇහුනා.......ඒ එක්කම මහ හඬින් හූ.............
තියන සද්දයකුත් ඇහුන...........
ඒත් එක්කම තවත් හූ හඬවල් කිහිපයක් ගමපුරා රැව්දුන්නා......
ගම්බද මිනිස්සු හූ........ කියල තමයි ගමට හොරෙක් එහෙම පැන්නොත් පණිවිඩය දෙන්නේ ......
ආච්චිගේ ගෙදර අයත් මොකෑ උනේ කියල බලන්න එලියට පැන්නා.........
ඒත් එක්කම කමිසයකුත් නැතුව දිග කලිසමක් විතරක් ඇඳගෙන පුංචි ගේ දුව එක්ක යාලු වෙලා උන්නු අශෝකයා කඩුලු පැන දිවීමේ ඔලිම්පික් ශූරයෙක් වගේ ආච්චිගේ වත්තේ කම්බිවැටෙන් පැන විදුලි වේගයෙන් ගෙටරිංගුවා........
ඇත්තටම මොකද උනේ.....
අසෝකයා ඇඳෙන ආව කමිසෙට මොකද උනේ........
No comments:
Post a Comment