පඳුරි

චූටි මාමා එයාගෙ ගෙදරින් ආව බලපෑම් එක්ක කාමරයක් කුලියට ගෙන ඇය එක්ක ජීවිතය පටන් ගත්තා කියල මං ඊයේ කිව්ව ....හැබැයි මාමා වැඩිය හිටියේ මහ ගෙදර ....ඔහොම ටික දවසක් යද්දී අර කාන්තාව අම්මා කෙනෙක් වීමේ ලක්ෂණ පහල උනා....ඕනෑම විවාහක යුවලකට දරුවකු සම්පතක් උනත් මොවුන්ට එය ජීවිතයේ ලොකුම බාධකය උනා......ඒ සඳහා මොවුන්ගේ විසඳුම උනේ මෙලොව එළිය දකින්නට පෙරුම් පුරමින් තමාගේ කුසේ වැඩන දරුවා විනාශ කිරීම.......

දුරදිග නොසිතා පෙම් සබඳතා ඇති කර ගැනීම , මහ එවුන්ගේ කුල භේදය නිසා අවසානයේ නූපන් බිළිඳකුට ජීවිතය අහිමි උනා.......ඉන්පසු තමන් මෙලොව විශාලතම කරදරයෙන් බේරුනු බව හිතපු මේ වෘෂභ යුවළ ටික දිනක් ප්‍රීති ප්‍රමෝදයෙන් හිටියා ....
ටික කලකින් මොවුන්ගේ සතුට නිමාකරමින් නැවතත් අර කාන්තාව ගැබිණියක් උනා.........

ටික දිනකින් මොවුන්ගේ විසඳුම වූයේ කලින් අවස්ථාවේ ගත් ක්‍රියාමාර්ගය ගැනීමටයි .....
එහෙත් ඇය පරීක්ෂා කල වෛද්‍යවරයා දැන් කල්ගත වී ඇති නිසා කිසිදෙයක් කරන්න බැහැ කිව්ව .......අවසානයේ විකල්පයක් නොමැති තැන මේ යුවළ සියදිවි නසාගන්නට තීරණය කලා......ඊට කලින් මාගේ තාත්තා හමුවූ මාමා ඔවුන්ගේ තීරණය ගැන කියා ඔවුන්ගේ ගැටලුවට උදව්වක් ඉල්ලා තියෙනවා




දෙවෙනි වතාවේ ආපු දරුගබ විනාශ කරන්න නොහැකි නිසා දිවිනසා ගැනීමට තීරණය කල ඔවුන් දෙදෙනා ඒගැන අපේ තාත්තාට කිව්ව කියල කලින් කොටසෙ කිව්වා...........

තාත්තාට තනියම තීරණයක් ගන්න බැරි නිසා ඒ ගැන අපේ අම්මා එක්ක කියල තියෙනවා ...
කුඩා කාලයේ ඉඳල පිනට දහමට ලැදි , පවට බය , ධර්මානුකූල ජීවිතයක් ගෙවන අම්මා  ""දරුවා ලැබුනාම අපිට දෙන්න අපි හදාගන්නම්""  යැයි කියල තිබුණා . මගේ දෙමාපියන්ට උවමනා උනේ විනාශ කරන්න යන දරුවාගේ ජීවිතය බේරා දෙන්න .....
දරුවා භාර ගැනීමට අපි ඉන්න නිසා ඒ දෙන්නා දරුවා ලැබෙන තෙක් සැනසීමෙන් හිටියා .....

මේ සිදුවීම් කිසිදෙයක් මගේ අම්මා තාත්තා හැර අපේ පරම්පරාවේ කවුරුත් දැනගෙන හිටියේ නැහැ .......

මේ අතරේ වරින් වර ආච්චී , සීයා එහෙම අපේ ගෙදර ඇවිත් යන්න එනවා .....දවසක් ආච්චීට චූටි මාමා ගේ භාර්‍යාවගේ අම්මා ටවුන් එකේදී හමුවෙලා තියෙනවා .......ඒ ගැන ආච්චී අපේ අම්මා එක්ක මෙහෙම කිව්ව ......

""" අර මහ පැද්දි මට ටවුන් එකේදී හම්බවුණා .......කොහෙද මාව දැකපු ගමන ඒ කඩවනච්චි වේ#  😂😂 ඉක්මනින් කොහෙට හරි රිංගුවා...........මං ඕකි හම්බවෙනකන් හිටියේ .......ආයෙ අහුවෙනැතෑ""""

මාමා ගේ සම්බන්ධය නිසා අපේ පවුලේ අය හිටියේ පුදුම කේන්තියෙන් .......

"""ඔය පඳුරිද ඔය පඳුරි දන්නෙනෑ මගේ හැටි අහු උනොත් හොඳ වැඩක් කරනවා """
කියල ආච්චී නිතරම කිව්ව ........

ඔහොම කාලය ගතවෙලා  දසකඩ මාසය මාසයක් ගතවෙලා මේ යුවළ පින්වත් පුත් කුමරෙක් බිහිකරනවා පින්වතුනි......

ඒ එක්දහස් නවසිය අනූ හතරේ මාර්තු මාසයෙදි.........ටික දවසකට පස්සෙ ඒ දෙන්න දවසක් උදේ ඒ පුංචි මල්ලි අරන් අපේ ගෙදර ආව.....ඇත්තටම ලස්සන බබෙක්..

ටික වෙලාවකින් ඒ දරුවා අපේ අම්මා අතට දීල මහ හඬින් අඬා වැලපිලා අපේ අම්මට වැඳලා ගියා.....

එයා එදා ඉඳල රැකියාවකට යනවා කියල තමයි ගියේ .....හැබැයි ඒ දෙන්න දවස් දෙකකින් හවසක ආයෙ ආව..........ඒ දරුවගේ අම්මාගේ ඇඳුමේ පපුව හරිය තෙත් වෙලා තියෙනවා මං දැක්කා .......මං පොඩි නිසා ඒගැන වැටහීමක් තිබුණේ නැහැ ......ඒ කාන්තාවට කිරි එරිලා කියල තමයි දරුවට කිරි දෙන්න ඇවිත් තිබුනේ........

අපේ අම්මා, තාත්තා , ඒ මල්ලිට ගොඩක් බඩු ගෙනාවා .......සහෝදර සහෝදරියන් නැති මට හරි සතුටක් දැනුනා......මල්ලිට දෙයක් අරන් දෙන්න මං ලඟ සල්ලි නැති නිසා පහේ කාසි එකතු කරපු මගේ ප්ලාස්ටික් කැටය කඩලා මල්ලි වහන්න  නෙට් එකක් මං තාත්තා එක්ක ගිහින් ගෙනාවා.......

සාමාන්‍යයෙන් පිරිමි ළමයින්ට අවශ්‍ය දේවල් නිල්පාටින් ගන්නෙ ....ඒත් මං රෝස පාට නෙට් එකක් ගත්තේ....😂😂😂

කොහොම හරි අපේ අම්මලා ඒ මල්ලිට උපරිමයෙන් සැලකුවා......වෙනිවැල්ගැට එහෙම තම්බලා නාවනවා මට මතකයි...
මට තනියම වඩා ගන්න දෙන්නෙ නැහැ බිම අතහරී කියල ....මං මල්ලී පොඩි කරනවා කියල අම්මා නිතරම කෑගහනවා..😂😂

මේ අතරෙ මල්ලිගේ අම්මයි තාත්තායි එනවා ......අපේ හිතවත් අය කිව්වෙ එයාලට ගෙදර එන්න දෙන්න එපා කියල .....ඒත් අපේ අම්මා එහෙම කලේ නැහැ , එයාලට ඕන උනේ දරුවා අයිතිකරගන්න නෙවෙයි ....එයාගේ ජීවිතය බේරන්න...

දවසක් මල්ලිගේ අම්මා ඇවිත් ඉන්න වෙලාවක අපේ පුංචි ආවෙ නැතෑ......ඒ පුංචි ගේ දුව තමයි පසුකාලෙක අසෝකයා බැන්දේ....
අපේ කට්ටියට තරු විසිඋනා.......

ඒ වෙලාවෙ අපි  හොඳටම හිතවත්  අක්කා කෙනෙකුයි එයාගෙ අම්මයි අපේ ගෙදර ඇවිත් හිටියා . එයාලත් මේ හුටපටය දන්නවා...

පුංචි මිදුලේ ඉන්න කොට මාමා ගේ භාර්‍යාව ගෙට රිංගුවා මටවත් හොයාගන්න බැහැ .....
කොහොම හරි තේ එහෙම දීලා අම්මා පුංචිව ඉක්මනින් පිටත් කරලා යැව්වා......

ටිකකින් පොඩි එකාගෙ අම්මා එළියට ආවා....හරියට හුඹහෙන් ඇදලා අරන් වගේ ...
කොහෙද හිටියේ ....අම්මා ඇහුවා ....
අපේ ගෙදර ඇවිත් හිටපු අක්කා එයාව ගෙනිහින් කාමරේක දොර මුල්ලෙ හංගලා පැඳුරක් අරන් ඒක රවුමට අරයගේ වටේ ඔතලා...😂😂😂😂

ඉතින් කොහේ හොයන්නද.........හැබැයි එදා එයාව පුංචිට අහුවුණා නම් නෙලනවා නෙලිල්ලක් රිඹෙන් යන්න....අපේ අම්මටත් බැනුම් අහන්න වෙනවා.........

ඔය විදිහට අපි මාස කිහිපයක් දරුවා හැදුවට පස්සෙ එයාලට දරුවා ඕන කිව්ව ......
ඉතින් අපි දුන්නා......

ඒ දරුවා නැති දුකට අපේ අම්මා දවස් ගාණක් හැඬුවා මට මතකයි .....පස්සෙ දෙමාපියන් දමා ගිය දරුවෙක් හදාගන්න ගේන්න තාත්තා රෝහලට ගිහින් බලා ඇවිත් ඒසේ දමාගිය දරුවන් තුන් දෙනෙක් ඉන්නවා කියල කිව්ව .......ඒත් රෝහලෙන් දරුවෙක් ගැනීම ක්‍රියාත්මක උනේ නැහැ ......

මේ සිද්ධියට සම්බන්ධ මල්ලි දැන් අවුරුදු විසි හතරක කඩවසම් තරුණයෙක් ...
පෙම්වතෙක්...එයාට අවුරුදු දහනමයක මල්ලි කෙනෙක් ඉන්නවා...

දැනුත් ඉඳහිට මේ සිදුවීම් මතක්  කරද්දී
"" ඒ දරුවගේ ජීවිතය බේරපු පිනම මට ඇති කියල අම්මා කියනවා""""

අපේ විවාහ මංගල්‍යය වලට එයාලට ආරාධනා කරන්නේ නැහැ .....ඉඳහිට මාමා ඥාතීන්ගේ ගෙවල් වලට ඇවිත් යනවා .....