Friday, August 24, 2018

මහ රෑ නිවුඩෙන් ඇවිත්



අසෝකයා ගෙටරිංගුවා විතරයි  උගේ  පස්සෙන් ගමේ මිනිස්සු විසිපහක් තිහක් විතර පොලු, මුගුරු , කඩු, පොලු, කැති,අරන් දුවගෙන ආවෙ නැතෙයි........😂😂😂😂

දුවගෙන ආපු එවුන් කෝ අරූ ඕකව බාවන්න තමයි අපි ආවෙ කියල කෑගැහුව.......

ඔන්න ඒ වෙලාවෙ තමයි තමන්ගෙකම මතක් වෙල අපේ පුංචි ඉස්මනට අසෝකයා ගෙටදාගෙන දොර වහගත්තෙ.........

මොනා උනත් ඌ පුංචිගේ අයියගේ කොලුවා නෙව ...

නැති නම් ගමේ එවුන් ඌට ගහනවා ඇටදෙක පුප වටේ කැරකෙන්න........😂😂😂😂😂

අසෝකයා ගෙට දාගෙන දොර වහගෙන  ජනේලය ලඟට ගිහින් තමයි පුංචි මිනිස්සු එක්ක කතා කරලා තියෙන්නෙ .......

ඒ අතර මූට ගහන්න නොදී ගෙටදාගත්තු තරහට පල්ලෙහා ගෙදර චන්ද්‍රසිරියා ජනේලෙන් අතදාලා පුංචිගේ බෙල්ල මිරිකලා.....

මලපැනලා හිටපු පුංචි අතේ තිබුන බත් පිඟානෙන් උගේ ඔලුවට ගහල ......
උගේ ඔලුවෙයි මූනෙයි පිඟානෙ තිබුන පරිප්පු ඇට වලින් නෑවිලා.......😂😂😂😂😂😂😂.

ඒක දැකල පුංචි ගේ කෙල්ලට ඒවෙලාවෙ හොඳටම හිනා ගිහින් .....😂😂😂😂 හිනා යන්නේ නැද්ද ඉතින් ......

බත් පිඟානෙන් පහරකාපු චන්ද්‍රසිරියා කේන්තියටම තොපේ අම්මට $කන්න කියල ....
අපේ පුංචි කිව්වලු අපේ අම්මට &කන්න තාත්තා නැහැ කියල 😂😂😂

දැන් උණුසුම් විදිහට වචන හුවමාරුව යනවලු.
අනිත් මිනිස්සු බලාගෙන ඉන්නවාලු......
චන්ද්‍රසිරියයි, ප්‍රේමතිලක කියල එකෙකුයි තමයි ලොකුවට ගේම ඉල්ලන්නේ .......

මොනා උනත් අපේ මහ ගෙදර සාමාජිකයන් 11 හිටපු ගෙයක් නෙව ......

පාරම්පරික ගම්කාරයෝ වෙච්ච අපි මක්කටෙයි පසුබහින්නෙ කියල පුංචි තනියම ගේමට බැහැලා .......

අරුන් දෙන්න පසු බැහැලා ගිහින් .....අපේ මහගෙදරට  ගෙවල් දෙකකට විතර එපිට ඉන්න මාමා කෙනෙක් කිව්වලු මං ආවා සමථයකට පත්කරන්න.......

කොහෙද ඉතින් කාන්ති ටිං එකක් හොලෝනවා වගේනෙ කිව්වලු ........

ටිං එකකට ගල්කැට දාල හොලවද්දී  වගේ කිව්වලු ...😂😂😂😂....

දැන් ඕං ගමේ එකාලා ගියාට පස්සෙ පුංචියි ,ආච්චියි ඇහුවලු මොකෑ උනේ කියල ...
තෝ කොහෙද මේ නිවුඩෙන් ආවෙ කියල .....

බැලින්නම් අසෝකයා ගෙයි පුංචිගේ කෙලීගෙයි හුටප්පරය නැවතිලා නැහැ නෙවැ.......

මූ රෑට රෑට හොරෙන් අරකි බලන්න ඇවිත් ......ඒක දැනගත්ත ගමන් පුංචි ඉදිරියට පැන වේගවත් හයේපාරක් එල්ල කරලා අසෝකයා ගෙ කණ හරහා.......😂😂😂😂

ඒත් එක්කම ආච්චිත් තුං මුල්ල පැනල ගැහුවලු අරූගෙ කම්මුලට එකක් ...😂😂

එදා රෑ ආච්චිගේ ගෙදර නිදාත්ත අසෝකයා පහුවදා උදේ ගිහින් .....පුංචි කෙල්ල ගෙන් අහල විස්තරේ........

අසෝකයා රෑට  කෙල්ලගේ කාමරේ ජනේලෙ ලඟට ඇවිත් කතාව කර කර ඉඳල යනවලු.......

අපේ මහගෙදර ඉඳල ඉඩම් දෙකක් විතර පහලින් ඇලක් තියෙනවා ඒ එක්කම වෙල් යායක් තියෙනවා .....

අසෝකයා රෑට ඇවිත් කමිසෙ ගලවලා ඇල ඉවුරෙ හංගලා වතවලින් පැනලා කෙල්ල හමුවෙන්න එනවලු......

අසෝකයා කලු නිසා කමිසෙ ගැලෙව්වම කාටවත් නොපෙනෙන්න තමයි ඒම ඇවිත් තියෙන්නෙ ......😂😂😂 වෙනදාට එන්නෙත් ඒමලු..........

එදත් අසෝකයා එද්දී  පල්ලෙහා වත්ත මැද්දෙ චන්ද්‍රසිරියයි , ප්‍රේමතිලයියි අරක්කු බිබී ඉඳල තියෙනවා .......

අසෝකයව අඳුනගත්තත් , එකෙක් මුගේ පපුවට කිණිස්සක් තීලා අනිත් එකා මුගේ කරේ තිබුන මාලෙ කඩාගෙන කණටත් ගහලා.....

අසෝකයා උන්ගෙන් බේරිලා දුවද්දී අරුන් දෙන්නා හොරෙක් කියල කෑගහල.....

එතකොට  තමයි වැටෙන් පැනලා ගෙට රිංගලා තියෙන්නෙ....😂😂😂......

මං පව් කියල උඹව බේරුවා ගමේ උන්ට ගහන්න දෙන්නේ නැතුව........මීට පස්සෙ මෙහෙ එන්න එපා කියල අසෝකයා පිටත් කලාලු..........

ඊට පස්සෙ කෙල්ලට බැනුම් කෝටියයි........
දිනපතා තුන්වේලටම කෑමට පෙර පසු ලැබෙනවා...........

මං ආච්චිගෙන් ඒ සිද්ධිය අහද්දි උන්දැ කිව්වා අරූ මහ රෑ නිවුඩෙන් ඇවිත් මේකි හම්බෙන්න.........😂😂😂

මොකක්ද ගමේ අම්මෙ නිවුඩෙන් යනවා කියන එකේ තේරුම කියල මං ඇහුවා....

නිවුඩෙන් යනවා කියන්නේ බොලං පහලට ඇඳල උඩට නැතුව යන එකට නොවැ........😂😂😂😂 මේකි මේ ඉස්කෝලෙ යන දරුවස් වෙච්චි.....දීගතල දෙන වයසක් යැ........

අහුවෙච්ච දෙන්කො අරූගෙ මහඑකා හරි මහ එකීහරි.......මෙතන තනිරකින්න ඇවිත් කරපු හරිය කීල දෙන්න....😂😂😂😂

දවසක් මං ඉන්න වෙලාවක  ආච්චියි පුංචියි කෙල්ලට බනින ගත්තා......අඬලා එහෙම කෙල්ල කිව්වා ගමේ අම්මෙ මට රුපියල් විස්සක් දෙන්න කියල .....

ඒ මොකටද උඹට රුපියල් විස්සක්....ආච්චි ඇහුවා.........

වේයන්ගොඩට ගිහින් කෝච්චියට පනින්න ........කෙල්ල කිව්වා..........

ඉල්ල ගනින් තොගෙ වාහෙගෙන්  ආච්චි දාපු සද්දෙට කෙල්ල අකුල ගත්තා........

මතු සම්බන්ධයි...........

1 comment: